上星期連操三日，感覺效果唔錯，所以星期日再做多課晨操，天未光5點就要起身，都咪話唔辛苦。梳洗兼食早餐，再施施然落到大王爺，大約6點半先至起步，大伙話走光明頂，自知有心無力，所以自己諗住走雙橋，目標係走足15k，起步唔算太熱，不過都要飲定好多水打底。走到咁上下，見到冠軍級數既跑友，由沙田跑向大埔方向，冠軍真係唔易做，百分百由汗水打做而成，真係無得呃架！
講返果朝既操練，跑到5k去一去W.C. 同休息左一陣，之後跑到雙橋又再休息兼係咁"隊"寶礦力，開始feel到個人"滾滾地"，所以係雙橋休息稍為長些少，之後跑到沙田划艇中心就回程，比預計既15k多些少(太約18k)。回程無休息，不過就跑得起慢，因為開始出太陽，加上氣力有d不繼。
返到大王爺見到幫友已經到齊，影完相就約定去飲茶，去到茶樓開始覺得個人散散地，先至知道其實都幾甘下。
到左尋日，輕鬆走一會，先jog2.5k，再walk1k，再jog2.5k，不過last遇到Law Sir回程，勉強跟左幾百米，自爆完畢後，慢jog到大王爺收操。
今日都打算輕鬆走多日，跑到3k位，速度太約係5'1x，遇到老闆於是一齊走，速度稍為快返些少，到5k，再回頭4k位，加埋走左3k，速度據老闆講係14'17"，唔駛5'/k。稍息兼飲水，再跑埋last 4k，開始feel到壓力，速度跌到5'過外，太約5'08"/k。總計今日走左10k。
