寫blog既好處，就係隨時翻查紀錄 - Rayの人生長跑 第27回 上篇 - 龍虎際會
原來不經不覺已經三年！
報左國慶盃既關係，rayray決定的起心肝復操，尋日天未光已經起身，準備join幫友尼課晨操，翻查紀錄之後，先知道，上次晨操之後，竟然相隔三年之久先至有"下一次"！原來能夠相聚一刻，其實都好講緣份......
講返尋日，撞到霍哥，估唔到佢話有野搞，唔係點跑，結果上次既班底，大部份有到但無一齊跑，不過仍有好多其他幫友，而自已目標只係跑10k，所以開頭都盡量跟住羅Sir跑，不過後尾將支佳得樂俾左添哥收係雙橋，結果夾硬頂到雙橋。
到步後已經Feel到好夠皮，即時折回，而心中已打算以"walk +jog"既方式返去。有d人見到rayray係度行，都覺得好奇怪，其實rayray停操時間太長，以前一切已經成為"過去式"，現在已經無咩貨賣。所以就住就住都好應該。行到咁上下見到菜遠，於是就又跑返，開始都有d頂唔順，後尾菜遠腳仔有d唔舒服，咁先至跟得到，兩個人邊吹邊jog左大約3k，操完歸家準備下一個節目：飲茶！
好多人話我個樣好唔掂，講真：實在好甘...... 甘到今日都覺得好累，不過決心復操，今日都想堅持跑返多少。
落到去，全部幫友已經出發，只係撞到霍哥，於是同佢拍住jog左8k，last跟唔到佢，自已只好walk返1k，後尾跑多k，算係好過無啦。
