自渣打之後，有幾個月無咩跑過，等同廢左武功，近期開始的起心肝，星期一晚較為認真d咁跑番一轉10km，睇下而家跌到去咩位？
結果時間真係好肉酸，半程27'17"01，全程54'30"65，太約5分30秒 / km，全程跑起尼都好辛苦，好想跑快d，但就係做唔到，始終休得太耐，重新操過就要比d時間。
星期一晚跑完，星期二諗住慢jog 8km，但落到場，feel 到唔係好掂，好似走唔郁咁，最後只係走左5km。
今晚照樣落去jog下， 唔敢走咁多，又係走左5km，而且走得比尋晚更加慢，因為聽日會落運動場操下速度，jog下已經好夠，始終剛剛復操，勉強未必有幸福！
