上年自己打錶時間：42'40"91

今年自己打錶時間：45'27"46

再創新低！

睇返初出道既時間(跑道^^)，05年跑Nike自己打錶約45'47"，3年後既今日(尋日)又係45'幾，3年尼進步左約20秒，真係好搞笑！

講返尋日行程，約左Tom少係太和火車站5:45等。前晚睇埋"火影忍者"先至訓，訓左3個鐘多d - 4:45起身。梳洗過後，落M記食個早餐再walk過去。去到火車站，見到潘Sir,阿Ray,Ray嫂同大舊哥。之後行去車頭join Tom少。到左上水巴士站，成條人龍大部都係跑Nike既跑友。

去到Nike會場，第一時間睇下有無野送，結果撈到一對Nike襪，正！

之後拿林寄行李，山長水遠尼到，點都準備jog返一陣。jog左無耐，Tom少已經叫"埋位"，不過比起上年，個位就後左些少。不過諗住實會過得好慢，幾後都無所謂啦。

一開跑，大約50秒先到起步點，比上年大約慢左30秒。氣氛唔錯既情況下，真係有些少跑既意欲。無耐就過左Tom少，開始挑戰自我之旅。頭1k開4'27"83，疏操又帶點傷尼講(上星期加埋只操左26k，加上右膝有點痛)，都算唔錯啦。

到左第2k就4'33"00， 亦係尼個時候，右膝又開始痛。不過比賽心情返返尼。明顯feel到"想跑 "既感覺，於是繼續前進！就住尼跑既關係，想快都快唔到，盡力keep住就算數。

跑到半程用時23'08"86，諗住要加速，策略係"追到一個有本，追到兩個有利！"

追邊個？rayray視線之內最接近之人。爬頭既一概視而不見(只專心追前面最接近的)。 期間過左好多人頭，同時亦被好多人過頭，不過已經係盡力而為。

去到最後盡人事跑埋佢，結果last 1k - 04'06"37，已經盡晒力，時間就同上次樂華差唔多，都已經好滿意。